ناو : سه‌ڵاح ڕه‌وف عه‌لی.

نازناو: سه‌ڵاح ڕه‌وف.

ساڵی له‌دایک بون : شاره‌زور (( عه‌ربه‌ت )) – سله‌یمانی . 1951 .

پله‌ی خوێندن : خانه‌ی مامۆستایان 1966 – 1969 .

▫ خولی شاره‌زایانی مۆسیقا (( به‌غداد )) 1977- 1978 ،به‌ پله‌ی       ئیمتیازی یه‌که‌م له‌سه‌ر عیراق .

▫ له‌ خۆئاماده‌کردن دایه‌ بۆ پێشکه‌شکردنی لێکۆڵینه‌وه‌یه‌ک به‌ناوی

(( پۆلێنکردنی په‌یژه‌و فۆرمه‌کانی مۆسیقای کوردی)) که‌ بریتیه‌ له‌ پۆلێن کردنی په‌یژه‌ مۆسیقاییه‌کانی کوردستانی گه‌وره‌ .

شوێنی کارکردن :

▫ ئه‌ندامی تیپی مۆسیقای سله‌یمانی (( 1968 )) .

▫ ئه‌ندامی تیپی مۆسیقای چالاکی هونه‌ری په‌روه‌رده‌ی سلێمانی

وه‌ک ئامێر ژه‌ن و مامۆستایه‌ک 1968 .

▫ دامه‌زرێنه‌ری تیپی مۆسیقای پیره‌مێرد (( 1977- 1991 )) .

▫ په‌یمانگای هونه‌ره‌جوانه‌کانی سلێمانی، به‌شی مۆسیقا. وه‌ک دامه‌زرێنه‌رێک ومامۆستایه‌کی وانه‌کانی پراکتیکی و تیۆری 1983- 1997 .

▫ ئه‌ندامی کارای تیپی مه‌ڵتی که‌لتوری هۆڵه‌ندی (( میودانتا )) هۆڵه‌ندا (( 1998 )) .

▫ ئه‌ندامی کارای تیپی سیمفۆنی ئه‌پڵدۆرن ی هۆڵه‌ندی (( 2000 ))

▫ ڕاهێنه‌ری مۆسیقای تیپی هونه‌ری میللی نه‌ته‌وه‌یی سله‌یمانی 2004-2008

▫ به‌ڕێوه‌به‌رێتی چالاکی هونه‌ری په‌روه‌رده‌ی سله‌یمانی

(( سه‌رپه‌رشتیاری هونه‌ری 2004-2008 .

کاره‌ ڕۆشنبیریه‌کان :

▫ به‌ئه‌نجام گه‌یاندنی چاپکردنی چه‌ند په‌رتوکێکی هونه‌ری .

له‌وانه‌ :

..1فێربوونی که‌مانچه‌ (( 1979 ))

 ..2تیۆره‌کانی مۆسیقا (( 1989 )) .

.3پۆلێنکردنی په‌یژه‌کانی مۆسیقای ڕۆژهه‌ڵاتی ناوه‌ڕاست .

..4بڵاوکردنه‌وه‌ی بابه‌تی هونه‌ری له‌زۆربه‌ی گۆڤارو ڕۆژنامه‌ کوردیه‌کاندا .

کاره‌هونه‌ریه‌کان :

▫ تیپی مۆسیقای سله‌یمانی :

- به‌شداری کردن له‌ هه‌مو بۆنه‌و فیستڤاڵه‌کانی تیپ له‌ ده‌ره‌وه‌و ناوخۆی سلیمانی .(( 1969 – به‌رده‌وام تائێستاش  )) .

- دانانی ئاواز ئاماده‌کردنی مۆسیقا بۆزۆربه‌ی گۆرانیبێژانی تیپ .  له‌وانه‌ :

- که‌ریم کابان . عوسمان عه‌لی . عه‌دنان که‌ریم . ئه‌سعه‌د قه‌ره‌داخی . په‌یمان عومه‌ر . عه‌باس محه‌مه‌د . ئاڵا عومه‌ر . دیاری قه‌ره‌داخی، ئه‌مه‌ل سه‌عید کورده‌، .

- دانانی چه‌ند پارچه‌ مۆسیقایه‌ک و تۆمارکردنیان له‌ میدیاکاندا ، له‌وانه‌ :-مۆسیقای تانجه‌رۆ . مۆسیقای لاوک .  مۆسیقای ژاڵه‌  و چه‌ندین ئاوازی تریش

- وه‌کو کادرێکی به‌ڕێوه‌بردن له‌تیپدا چه‌ندجارێک کارم کردوه‌ وه‌کو (( سکرتێر ی تیپ ... ژمێریاری تیپ ... به‌ڕێوه‌به‌ری ئیداره‌ی تیپ . به‌ڕێوه‌به‌ری هونه‌ری )) .. هه‌روه‌ها زۆربه‌ی کات وه‌کو ئه‌ندامێکی چالاکی لێژنه‌ی هه‌ڵسه‌نگاندنی هونه‌ری کارم کردوه‌ .

▫ تیپی مۆسیقای شۆڕش (( 1974 – 1975 )) .

▫ به‌شداری کردن له‌ وتیپه‌دا وه‌کو ئامێرژه‌نێک و کۆمپۆنیستێک .

▫ له‌به‌ڕێوه‌به‌رێتی چالاکی هونه‌ری له‌سله‌یمانی :

1. کردنه‌وه‌ی خولی فێربونی ئامێره‌ مۆسیقاییه‌ جیاجیاکان له‌ سه‌ره‌تای ساڵی 1977 وه‌ ، دروست کردنی تیپی مۆسیقای پیره‌مێرد (( خۆبه‌خشانه‌ )) پێگه‌یاندنی زۆر له‌ مۆسیقازانه‌کانی ئێستا . به‌شداری کردنی ئه‌وتیپه‌ له‌ ناو شاری سله‌یمانی و هه‌موفیستڤاڵه‌کانی سه‌رانسه‌ری عێراق .

2. تۆمارکردنی پتر له‌ 2 کاسێتی گۆرانی منداڵان و بڵاوکردنه‌وه‌یان له‌ میدیاکاندا .

.3 به‌ده‌ستهێنانی پله‌ی یه‌که‌می له‌سه‌ر ئاستی وڵاتی عێراق وه‌کو تیپێکی مۆسیقا و هه‌روه‌ها وه‌ک و تۆمار کردنی چه‌ند شانۆگه‌ریه‌کی لیرکی که‌ پله‌ی یه‌که‌میان به‌ده‌ست هێناوه‌ له‌سه‌ر ئاستی شاری سله‌یمانی و عێراقیش . له‌وانه‌

شانۆگه‌ری لیرکی (( کاروانی شه‌هیدان . گورگی بێشه‌و هه‌رد . داپیره‌ی دانا .. چه‌ندی تریش )) .

▫ په‌یمانگای هونه‌ره‌جوانه‌کانی سله‌یمانی .

هاوکاریکردن له‌ دامه‌زراندنی به‌شی مۆسیقای په‌یمانگای هونه‌ره‌جوانه‌کانی سله‌یمانی . وتنه‌وه‌ی وانه‌پراکتیکیه‌کان بۆ ئامێره‌کانی مۆسیقایی وه‌ک (( که‌مان . چه‌لۆ . کلارنێت )) .

▫ وتنه‌وه‌ی وانه‌ تیۆریه‌کانی وه‌ک (( تیۆری مۆسیقای گشتی و چێژی مۆسیقا و کۆڕاڵ و سۆڵفێج بۆ هه‌مو قۆناغه‌کانی خوێندن

▫ به‌شداری کردن له‌ فیستڤاڵه‌کانی ساڵانه‌ی په‌یمانگا و دانانی ئاوازی کۆراڵ و گۆرانی ته‌نها . له‌وانه‌ :

▫ کۆراڵی گۆرانیه‌کی ڕه‌نگاو ڕه‌نگ (( مناڵینه‌ )) . کۆرالی سله‌یمانی .کۆراڵی ئه‌م باهاره‌ . کۆراڵی له‌یلێ و لاوه‌ . کۆرالی داستانی قه‌ڵای دمدم . کۆراڵی مارشی ژان . و چه‌ندین ئاوزی گۆرانی و مۆسیقایی تریش .

▫ تیپی مۆسیقای ته‌له‌فزیۆنی گه‌لی کوردستان .

▫ درووستکردنی تیپی مۆسیقای ته‌له‌فزیۆنی گه‌لی کوردستان و به‌شداری کردن له‌ چالاکیه‌کانی ئه‌وته‌له‌فزیۆنه‌ له‌ سالی 1991 وه‌ . له‌وانه‌ یادی یه‌که‌مین ساڵڕۆژی ته‌له‌فزیۆن و دانانی ئاواز بۆ هونه‌رمه‌ندانی گۆرانی بێژ ئازاد خانه‌قینی (( کۆراڵی شایی شه‌هید )) . ئه‌ژده‌ر وه‌هبی که‌ بۆیه‌که‌مین جار گۆرانی (( هاواری مناڵانی هه‌ڵه‌بجه‌ )) تۆمارکرد .

▫به‌شداری کردنی ئه‌وتیپه‌ له‌یادی شه‌هیدی سه‌رکرده‌ (( شه‌هید ئارام )) به‌چه‌ند ئاوازێکی گونجاو .

▫ کۆمپانیای کوردستان .

▫تۆمارکردنی چه‌ندین ئاواز بۆ هونه‌رمه‌ندان . نازێ و نه‌ورۆز ، عه‌لی محێدین . هێدی قادری . و چه‌ندین گۆرانیبێژی تریش .

▫  کاره‌ سه‌ربه‌خۆییه‌کان .

▫ دانانی ئاواز بۆ زنجیره‌ درامای ژاڵه‌ (( تیپی نواندنی سله‌یمانی ))  . زنجیره‌ درامای گوڵاله‌ (( کۆمه‌له‌ی هونه‌ره‌جوانه‌کانی کورد مه‌لبه‌ندی گشتی سله‌یمانی))  . زنجیره‌ درامای مه‌رگی ئه‌رخه‌وانی . زنجیره‌ درامای چاره‌نوسی ئاده‌میزاد .(( تیپی نواندنی سله‌یمانی))

▫ چیرۆکی نواندنی چرا . زۆر شانۆگه‌ریش له‌وانه‌ (( پۆنتیلاو ماتی)) . مانگی ئاوابو .  شانۆگه‌ری دادگا (( تیپی شانۆی سالار ))

▫ کاتێ هه‌ڵۆ به‌رز ئه‌فڕێ (( تیپی شانۆی سالار )) مه‌لای جزیری

 ▫ (( تیپی شانۆی سالار )) شانۆگه‌ری گالیلۆ گالیلی (( کۆمه‌له‌ی هونه‌ره‌جوانه‌کانی کورد مه‌لبه‌ندی گشتی سله‌یمانی)). چه‌ندینی تریش .

 ▫ دانانی ئاواز بۆ یه‌که‌مین فلیمی سینه‌مایی کوردی (( نێرگز بوکی کوردستان )) له‌ ده‌رهێنانی جه‌عفه‌ر عه‌لی .

▫ دانانی ئاواز بۆ چه‌ندین گۆرانی بیژ ،له‌وانه‌ :

▫ تارا ڕه‌سوڵ . ئه‌مه‌ل سه‌عید کورده‌ . ئالان عومه‌ر . ئاڤان جه‌مال .

▫ له‌ ساڵی 2007 و له‌ رۆژیادی مه‌رگه‌ساتی ئه‌نفال، له‌گه‌ڵ تیپی مۆسیقای سله‌یمانی کارێکی هونه‌ری سه‌باره‌ت به‌ مه‌رگه‌ساتی ئه‌نفال (( گۆڕستانی چراکان - هۆنراوه‌ی شێرکۆ بێکه‌س ))  که‌ نزیکه‌ی 50 ده‌قیقه‌ یه‌ و له‌ پیشاندانێکی تایبه‌تیدا به‌هاوکاری په‌یمانگای هونه‌ره‌ جوانه‌کانی سله‌یمانی به‌شی مۆسیقا و تیپی هونه‌ری میللی سله‌یمانی له‌و‌ یاده‌ به‌ئه‌نجامی گه‌یێنرا.